Эгасини ўзгартириш

Кандай қилиб доменни бошқа шахсга ўтказиш (қайта расмийлаштириш) мумкин?

Домен эгасини ўзгартириш деярлик осон. Бунинг учун домен номининг хозирги эгаси (Маъмури), хамда доменни қабул қилиб олаётган янги шахс билан биргаликда Ариза тақдим этишлари лозим.

Аммо шуни ҳисобга олиш керакки, «UZ» доменидаги домен номларини рўйхатдан ўтказиш ва улардан фойдаланиш тартиби тўғрисидаги Низомга мувофиқ (14-банд, 100 ва 102-моддалар):

- Домен номининг эгаси (Маъмури) доменни бошқа шахсга фақатгина, доменнинг номини рўйхатдан ўтгазган кундан олти ой ўтгач, хамда доменни муддати тугашидан 30 кун олдин, домен номидан фойдаланиш ҳуқуқини бошқа шахсга бериш (қайта рўйхатдан ўтказиш) ҳуқуқига эга.

 - Домен номи билан боғлиқ бўлган суд, ҳакамлик ёки бошқа низоли муҳокама давомида, шунингдек домен номини деактивация қилиш даврида домен номини қайта рўйхатдан ўтказишга йўл қўйилмайди.

Доменни қайта расмийлаштиришнинг икки йўли мавжуд:

  1. Паспортнинг асл нусхаси (агар доменнинн эски ва янги эгаси жисмоний шахс бўлса) ёки муҳр (агар ўтказувчи ва қабул қилувчи томон юридик шахс бўлса) билан бизнинг офисимизга келиб.
  2. Онлайн, яъни электрон манзил орқали.

Онлайн тарзда ўтказишда, Эски домен эгаси қуйидагиларни амалга ошириши керак:

1 ҚАДАМ

Аризани юклаб олиш ва тўлдириш:

Эгасини ўзгартириш учун ариза (узб)

2 ҚАДАМ

Агар жисмоний шахс бўлса: қўлида имзоланган Аризани ушлаб, ўзини суратга олинш (бу шахсни иденфикация килиш учун керак бўлади). Суратда юз ва аризанинг ўзи аниқ кўриниши керак.

Агар юридик шахс бўлса: аризани ташкилот бланкасида тўлдириб, имзо ва муҳр қўйиб тайёрлаш. 

3 ҚАДАМ

Аризанинг сканерланган рангли нусхасини ва фотосуратни (жисмоний шахс учун) help@eskiz.uz электрон манзилига юбориш. 

Онлайн тарзда ўтказишда, Янги домен эгаси қуйидагиларни амалга ошириши керак:

1 ҚАДАМ

- Шахсий кабинетга кириш учун https://my.eskiz.uz/sign-up орқали рўйхатдан ўтиш.

- Рўйхатдан ўтгандан сўнг, Шахсий маълумотлар бўлимида паспорт маълумотларини (агар жисмоний шахс бўлса) ёки компания реквизитларини (агар юридик шахс бўлса) киритиб қўйиш.

2 ҚАДАМ

Бизнинг help@eskiz.uz электрон манзилимизга хат жўнатиш

Хат мавзуси: Доменни қайта расмийлаштириш ҳақида

Хат матни: Шу «домен номи» ни шахсий кабинетга кушилган «Шахсий маълумотни ёзинг» номи га қайта расмийлаштириб беришингизни сўраймиз.