Бизнинг компаниямиз билан яқинроқ танишишга вақт ажратганингиз учун ташаккур! 

Нималар билан шуғулланамиз?

Eskiz IT компанияси – UZ зонасида домен ларни рўйхатдан ўтказиш, ўз сервер қувватида юқори сифатли хостинг, тайёр ва эксклюзив сайтларни ишлаб чиқиш, SMS-тарқатмалар юбориш, почта, шунингдек, ssl сертификатларини ўрнатиш ва созлаш каби махсус хизматларни кўрсатади.

Фаолиятимиз қандай бошланган?

Компаниямизга 2008 йили асос солинган бўлиб, 2009 йилдан эътиборан биз Россиянинг «1С – Битрикс« компаниясининг расмий бизнес ҳамкоримиз ва 1С-Битрикс тизимида сайтларни ишлаб чиқиш ва яратиш билан шуғулланамиз.

2015 йилнинг 27 июль ойидан бошлаб компаниямиз дастурий таъминот ишлаб чиқувчилари Миллий реестрига киритилган.

2016 йилнинг бошида Электрон ва компьютер дастурий таъминотлари (ESC) экспортини ривожлантириш бўйича Қўмита бизни МДҲ мамлакатлари вакилларидан тузилган бизнес делегацияси таркибида INDIASOFT 16- IT-кўргазмаси 2016 (Мумбай, Ҳиндистоня)га таклиф этди. Кўргазмада хорижий IT- компаниялари билан муносабатлар ўрнатиш мақсадида ИТ–секторида фаолият олиб борувчи Ҳиндистоннинг 150 дан ортиқ ИТ-компаниялари иштирок этган.

2016 йилнинг 24 августидан бошлаб эса биз “UZ” зонасида домен номларини расмий рўхатдан ўтказувчи мақомига эга бўлдик.

 

2017 йилнинг 18-22 сентябрь кунлари ICTWEEK Uzbekistan 2017 кўргазмасида иштирок этдик.

 

2017-йил 23-октабрдан бошлаб “Mirzo Ulugbek Innovation center”нинг резиденти бўлдик.

 

Соддалик – оммабоплик гарови

Бизнинг компаниямиз концепцияси асосида минимализм, оммабоплик ва соддалик ётади. Шунинг учун сайтимиз ва шахсий кабинетни ишлаб чиқишда, хизматларимизни ишга тушириш чоғида тажрибаси, ёшидан қатъи назар ҳар қандай инсонга бизнинг хизматларимиз ва маҳсулотларимиздан тушунарли ва осон фойдаланишини инобатга олдик.

Ўз ўрнингизни эгаллашга улгуринг

Интернет тармоғида ўз бизнесини йўлга қўйиш аллақачон арзон, осон ва тезкор усулга айланган. Ахир дунёда сизнинг бизнесингизни Интернетга тез ва қулай олиб чиқиш учун барча технологиялар ва воситалар мавжуд. Бу катта имконият эканини англаган одамлар вазиятдан фойдаланган ҳолда яхши доменларни фаоллик билан сотиб олмоқдалар. Бизнинг шиоримиз – “Интернетда ўз ўрнингизни эгаллашга улгуринг!” деб номланиши бежиз эмас. Чунки ўз бизнесингизни интернетдаги вакиллигини қанча эрта очсангиз, рақибларингиздан олдинлаб кетиш имконингиз шунча ошади. Ўз сайтингизни яратиш жуда ҳам осон, тез ва арзон бўлишини тушуниш учун бизнинг барча хизматларимиз билан батафсил танишсангиз кифоя.

Биз мамнун бўламиз!

Бугунги кунда веб-сайт анчагина оммалашиб, зарурати бўлган ҳар бир киши ўз сайтига эга бўлиши мумкинлигини одамларга тушунтиришда оз бўлса-да ҳиссамизни қўша олсак, ниятимизга етган бўламиз. Бошқача айтганда, Ўзбекистонда сайт яратиш кўп вақт, пул ва асаб талаб қилади, деган хато тасаввурларга чек қўйиш пайти келди.

ЎЗБЕКИСТОНДА ЭҲТИЁЖИ БЎЛГАН ҲАР БИР ИНТЕРНЕТ ФОЙДАЛАНУВЧИСИ ЎЗ ВЕБ-САЙТИГА ТЕЗ, ОСОН ВА АРЗОН ЭРИША ОЛИШИ – КОМПАНИЯМИЗНИНГ ЎЗ ОЛДИГА ҚЎЙГАН МАҚСАДИДИР!